Ti panggepmi ket isu ti pannakaisigurado nga amin a botante, agraman dagiti limitado ti ammoda iti lengguahe nga Ingles, ket maaddaanda iti patas a gundaway a makabasa kadagiti bambanag a maipanggep iti eleksion. Kas mainugot kadagiti Linteg a Pederal, Estado ken Lokal, daytoy Departamentomi ket addaan kadagiti wagas a nairanta tapno umadu dagiti matulonganmi a botante nga agsasao iti lengguahe a saan nga Ingles ken Espaniol.
Ti Kopia ti Balota (Facsimile Ballot) ket isu daytay balota ti eleksion a naisurat iti maysa nga espesipiko a lengguahe. Mabalin nga usaren dagiti Botante ti maysa a Kopia ti Balota tapno mabasada ti linaonna a naisurat iti bukodda a lengguahe, iti kasta ammoda no kasano a markaanda dagiti botosda iti balotada a naisurat iti Ingles.
No ti maysa nga agbotos babaen ti koreo ket agkasapulan iti kopia ti balota a naisurat iti bukodna a lengguahe, mabalin nga agkiddaw iti kopia ti balota iti presinto a yanna a maipatulodto kenkuana babaen ti koreo wenno e-mail. Kas mainugot iti Kodigo ti Eleksion 13400.
Agyamankami iti panagkiddawmo. No adda, ti kopia ti balota a naisurat iti pinilim a lengguahe ket maipatulodto kenka.
